Стефан Спировски во првиот дел имаше жесток судар со Андрија Павловиќ. Глава со глава се судрија нашиот репрезентативец и Србинот во редовите на Копенахген, по што мораше во првиот дел да има и преврска на главата.
„Супер се чувствувам. Нема никакви последици иако сударот беше многу незгоден. Се удрвиме глава со глава, имаше и крв. За среќа останавме неповредени и јас и тој“, вели Спировски.
Околу натпреварот, играчот од средниот ред искажа задоволство од победата.
„Победивме минимално, имавме уште неколку шанси и порано да дојдеме во водство, и потоа да дадеме уште еден гол, а на крајот можевме да бидеме казнети. Сепак, најважно е што остваривме триумф, нешто кое го посакувавме, и сега се фокусираме веќе кон реваншот каде што ќе се обидеме да го направиме тој резултат кој што ќе ни донесе пласман во слендата фаза. Се надеваме дека ќе успееме и дека ќе ги израдуваме нашите навивачи кои што вчера беа нашиот 12 играч“, вели Спировски.