Им нудеа богатство на фудбалерите, а сега не можат да им платат.
Веќе видена приказна во многу делови во светот и во многу професии. Тоа е опфатено во посиромашните земји, меѓутоа сега е случај и во Кина и покрај тоа што е земја со брз економски развој меѓудругото брз развој и на фудбалски план. Но, не е се така розово.
Кинеските клубови во изминатите години во своите редови донесоа врвни фудбалери нудејќи им високи плати и огромни бонуси. Тие одлучија кариерата да ја продолжат во Кина, меѓутоа големите кинески трошаџии се доведоа до големи проблеми.
Кинеската фудбалска федерација ги известила 18 професионални клубови во оваа земја до 15. август да ги подмират сите обврски кон фудбалерите или ќе бидат исфрлени од сите натпреварувања. Ова решение доаѓа откако Азиската фудбалска конфедерација (АФЦ) добила голем број на жалби за неисплатени обврски како плати и бонуси, па до Кинескиот сојуз испратиле јасна порака што треба да се направи.
„Ако клубовите не ги исполнат обврските кон играчите, односно платите и бонусите, мораат да бидат исклучено од сите домашни натпреварувања во наредната сезона“, се наведува во пораката што ја пратиле од АФЦ.
Меѓу екипите кои до 15 август се принудени да уплатат пари се сите тимови кој во своите редови донесоа големи ѕвезди притоа нудејќи им плати од кои се завртува умот. Меѓу нив се суперлигашите Шангај Шенхуа, Гуанжу Евергранде, Шангај СИПГ, Хебеи, Тјанџин Кванџан, Пекинг Гуан... Од Првата лига тука се Пекинг Рене, Шангај Шенџин, Далијан...
Единствени клубови од елитата на кои не им се заканува суспензија се Јанбјан Фунде, Хенан Џијанје и Гужу Жиченг.