Неутралната фан зона ќе биде отворена на 7 и 8 август и овие два дена ќе функционира од 11 до 19 часот. Во оваа фан зона ќе бидат изложени трите трофеи на УЕФА, трофејот на Лигата на шампионите, трофејот на Лига Европа и Суперкупот, и секој посетител ќе ја има можноста да се фотографира со нив. Тие ќе бидат поставени на 7 август, од 11 до 19 часот, и 8 август од 11 до 16 часот. Поставувањето на трофеите е дел од „Трофеј турата“, организирана од ФФМ, во склоп на која млади момчиња и девојчиња од цела Македонија се натпреваруваа да дојдат до финалните дуели, кои ќе се одиграат на грасрут игралиштето што ќе биде поставено во неутралната фан зона. Под сјајот на големите УЕФА-трофеи, момчињата ќе ги одмерат силите на 7 од 11 до 13 часот, а девојчињата во исто време на 8 август.
Во зоната се поставуваат и уредуваат местата определени за 1 на 1 фудбал, шутирање пенали, фудбалски тенис и фудбал слободен стил, додека за освежување и други активности ќе се погрижат партнерите на УЕФА Пепси Хајнекен, Мастеркард и Нисан Pepsi, Heineken, MasterCard и Nissan. Интересно е што експерти во freestyle фудбал од Франција ќе ги покажуваат своите способности и ќе ги подучуваат заинтересираните. Секој ќе може да им се придружи и да научи нешто ново и забавно.
Покрај многубројните активности во неутралната зона, ќе биде поставена голема бина, каде што на 7 диџеј Бранчез, диџеј Мац DJ Branchez,DJ Mats, ContruDJи Симона Попоска, а на 8 диџеј Боби диџеј Дела DJ Bobi, DJ Dela, BrassBrothers и Сара Мејс ќе ги забавуваат присутните.