Големо засилување за клубот од Ривиерата.
Холандскиот ветеран и еден од подобрите фудбалери од средниот ред, Весли Снајдер, е новиот играч на Ница. Францускиот клуб го потврди трансферот, а Снајдер дојде како слободен фудбалер откако го раскина договорот со Галатасарај пред два месеца.
Триесет и тригодишникот беше во преговори со Сампдорија, меѓутоа таа не ги прифати неговите барања. Затоа, пак, Ница прифати и ќе добие големо засилување за двомечот со Наполи, во плејофот од Лигата на шампионите.
Се работи за едногодишна соработка, со можност таа да биде продолжена.