Пари Сен Жермен покажа дека со многу пари може да ги исполни сите свои желби и да доведе секого во своите редови.
Неодамна „светците“ дадоа 222 милиона евра за активирање на клаузулата на договорот на Нејмар со Барселона, и го доведоа бразилскиот фудбалер во своите редови. Поради тоа, на клубовите им стана јасно дека високите откупни клаузули не се повеќе пречка за богатите клубови како ПСЖ, кои имаат непресушен извор на пари.
Последната информација е дека ПСЖ сака да го купи и голманот на Атлетико, Јан Облак, и дека веќе подготвил 100 милиони евра за него. Моментално за француската екипа брани Кевин Трап, но раководството сака големо име и квалитетен голман.
Затоа Атлетико може да биде првиот клуб кој ќе направи нешто за да ги оттргне налетите на Пари Сен Жермен, со тоа што ќе воведе клаузула против ПСЖ. Мадридскиот клуб сака да го редефинира договорот со Облак и да стави откупна клаузула од 150 милиони евра, плус забрана тој да премине на „Паркот на принцовите“. Атлетико има забрана за регистрирање нови играчи и заминувањето на 24-годишниот Словенец би било погубно за него, со оглед на тоа дека нема квалитетна замена.
А оваа идеја на Атлетико може да ги поттикне и другите клубови да ставаат слични клаузули само да ги спречат парижаните да им ги „украдат“ нивните ѕвезди.