Еден од раководните луѓе на Баерн Минхен, Карл-Хајнц Румениге, изјави дека клубот никогаш нема да потроши 222 милиона евра за Бразилецот Нејмар, како што направи францускиот Пари Сен Жермен. Германскиот шампион претпочита да ги инвестира парите за изградба на нов стадион.
„За време на сагата со Нејмар, се прашав што е поважно: тој или ’Алијанц арената’. Морам да признаам дека на прво место го ставив стадионот, кој е многу поважен за нас. Ние во Баерн имаме сосема поинаква филозофија. Во целина, трансферот на Нејмар можеше да чини повеќе од еден нов стадион. Ние не сакаме да трошиме пари како Пари Сен Жермен. Односот на публиката ни сугерира дека не треба да го правиме тоа и да трошиме многу пари за фудбалери“, коментира Румениге.
Најскапите трансфери што ги направи Баерн се ангажманот на Корентин Толисо минатиот месец за 41,5 милиони евра и на Хави Мартинез во 2012 година за 40 милиони евра.