По триумфот во европскиот Суперкуп, Реал го чека нова задача, двомечот со Барселона во рамките на шпанскиот Суперкуп. Првиот меч се игра на „Ноу Камп“ в недела, а реваншот е три дена подоцна. Тренерот Зинедин Зидан нема да смета на услугите на Лука Модриќ поради суспензија. Хрватот ќе го пропушти првиот меч поради вториот жолт картон добиен во 89. минута на мечот против Атлетико, во Суперкупот на Шпанија во 2014 година. Тоа беше реванш-меч кој „кралскиот клуб“ го загуби со 1:0 и остана без трофејот затоа што на првиот меч беше 1:1.
Хрватот е казнет со еден меч неиграње, кој важи само за Суперкупот. Така, нема да може да им помогне на соиграчите на мечот со лутиот ривал. Поради тоа, Зидан ќе треба да се потрпе на неговиот сонародник Матео Ковачиќ.