Интересно, квалитетно и, секако, неизвесно ќе биде на мечот Работнички - Ренова, кој се игра денеска, во Ѓорче, со почеток од 17 часот. Ова ќе биде дуел на старите добро познајници, долгогодишни ривали, кои некогаш грчевито се бореа и за титулата, но и за пласман во Европа.
Работнички оди на стартни три
Себастијан Херера, левиот офанзивен бек на „романтичарите“, верува дека неговиот тим може да го добие овој натпревар.
„Во секој случај, тежок меч за двете екипи. Ние во Работнички сакаме да одиграме, но и сме подготвени за добар натпревар. Ренова ја цениме, но не криеме дека сакаме победа и стартни три бода“, истакна Херера.
Незири: Дуел на два израмнети тима
Ренова доаѓа во Ѓорче со Влатко Костов, некогашен тренер и на Работнички.
„Штета што не се игра на арената. Имено, и Работнички и Ренова имаа квалитетни состави кои сакаат да играат добар фудбал и затоа добар терен им одговара на двете екипи. Инаку, секој стартен меч е тежок за играње, тука секако дека е и пеколно топлото време, но не е време сега да се жалиме, време е за добар фудбал. Ренова смета дека може да дојде до добар резултат на меч на кој се среќаваат два израмнети тима“, истакна Меџит Незири.