Тренерот на Барселона, Ернесто Валверде призна дека Реал Мадрид заслужено го освои Супер купот на Шпанија, но додаде дека сезоната е долга и дека очекува неговите избраници да ја вратата самодовербата во пресрет на следните натпревари.
- Реал беше подобар од нас, особено на вториот дуел. Немаме проблем да признаеме дека тие заслужено стигнаа до трофејот. Ние треба да ја вратиме самодовербата и да победуваме, бидејќи во спортот нема непобедливи екипи. Мораме да гледаме напред, бидејќи наскоро почнува првенството. Треба да ги надминеме проблемите кои се појавија во преодниот рок и да почнеме да бележиме резултати, истакна предводникот на каталонскиот тим.
Реал синоќа на домашен терен ја победи Барселона со 2:0 и со вкупни 5:1 го освои Супер купот на Шпанија.