Фудбалерот на Лацио, Душан Баста е задоволен од начинот на кој неговиот клуб ја започнал новата сезона. По победите над Јувентус и освојувањето на италијанскиот Супер Куп, Лацио запиша реми и две победи во Серија А, од кои една над амбициозниот Милан со 4:1.
Против „миланезите“ кои во летниот преоден рок за засилување потрошија преку 230 милиони евра, Лацио одигра фантастично.
- Не можевме да замислиме подобар старт и досега работите се одвиваат добро. Одигравме добар натпревар против Милан кој многу се засили ова лето. Покажавме дека сме вистински тим. На крајот убедливо победивме и тоа беше сосема заслужено, рече Баста.
Српскиот репрезентативец очекува неговиот тим така да продолжи и покрај згуснатиот распоред.
- Знаеме дека сезоната ќе биде тешка. Во следните 20 дена ќе играме седум натпревари што ќе биде многу тешко, но ние сме подготвени да одговорат на предизвикот, истакна Баста.