Фудбалерите на „Барселона“ синоќа првпат допатуваа во Мадрид по одржувањето на референдумот за независност на Каталонија на 1 октомври, за натпревар со екипата на „Атлетико“.
Вниманието на јавноста го привлече тоа што на загревањето пред натпреварот дел од играчите на „Барселона“, меѓу кои и Џерард Пике и Андрес Ињеста, на теренот се појавија во дресови во боите на каталонското знаме.
На ова навивачите на „Атлетико Мадрид“ одговорија со мафтање на илјадници шпански знамиња, скандирајќи „Вива Еспања“ („Да живее Шпанија“) и пеејќи ја песната „Шпанија е вашата земја“.
Пике во свои претходни изјави жестоко го бранеше правото на Каталонија на самоопределување, но никогаш јавно не се изјасни за независност на обој шпански автономен регион.