Баерн Минхен се откажа од доведување на Алексис Санчез од Арсенал, бидејќи Чилеанецот веќе донесе одлука за продолжување на неговата кариера, изјави претседателот на клубот Карл-Хајнц Румениге.
Румениге индиректно потврди дека Санчез избра да оди во Манчестер Сити, веројатно на крајот од сезоната кога истекува неговиот договор со Арсенал.
- Мислам дека Санчез веќе одлучи во кој кулб ќе оди, така што вратата на неговиот трансфер кај нас е затворена. Тоа не е проблем за нас и Санчез не би бил замена за Левандовски, бидејќи не е класичен напаѓач, изјави Румениге за германски „Скај“.
Санчез во неколку наврати одби продолжување на договор со неговиот сегашен клуб Арсенал.