Португалски тренер, Жозе Мурињо, ќе го продолжи договорот со Манчестер Јунајтед на уште две години, пренесе „Скај Спортс“.
Мурињо пристигна на Олд Трафорд во 2016 година и потпиша договор за три сезони. Сепак, лидерите на Црвените Ѓаволи се очигледно многу задоволни од работата на „специјалниот“ и му понудија нов договор на кој тој се согласи.
„Скај Спорт“ објави дека клубот брзо ќе ја објави веста за продолжување на договорот.
Неодамна Мурињо изјави дека бил незадоволен од работата на клубот, бидејќи не му биле одобрени некои трансфери што ги сака, но, наводно, пристигнувањето на Алексис Санчез на „Олд Трафорд“ било позитивна работа што на крајот го поколеба Мурињо за продолжување на договорот до летото 2021 година.
Јунајтед моментално е втор во Премиер лигата со 12 бода помалку од лидерот Манчестер Сити.