Менаџерот на Ливерпул, Јирген Клоп не го криеше огромното разочарување по поразот од Свонси (1:0) синоќа на гостински терен.
Тоа беше прв пораз за „црвените“ во последните три месеци, а доаѓа од последно пласираниот тим на табелата во Премиер лигата.
- Вознемирен сум, бидејќи не игравме добро. Загубивме натпреварот во првото полувреме, кога не игравме ништо. Такво нешто не се случува често, изненаден сум. На крајот од натпреварот првавме притисок, но тоа се покажа недоволно. Свонси се бори за опстанок, но нашата вина е наша и ние треба да извлечеме поука од овој дуел, рече Клоп.
Ливерпул по 24.коло е на 4.место со 47 бода, 18 помалку од лидерот Манчестер Сити.