Тренерот на Пари Сен Жермен, Унаи Емери причината за резултатскиот пресврт и поразот од Реал Мадрид (3:1) ја гледа во недосуден пенал за неговиот тим при резултат 1:1.
ПСЖ синоќа во Мадрид поведе, но до крајот прими три гола и си ја отежна задачата за пласман во четвртфиналето од Лигата на шампионите.
- Ми кажаа дека Рамос играл со раката. Не го видов инцидентот, но ако тоа беше вистина, судијата мораше да изрече казна. Не се работи за правда. Мислам дека можеме да ги свртиме работите, ако одлуките за судењето не се против нас. Имам измешани чувства по овој дуел. Реал изедначи по прилично контроверзна одлука на судијата.
Ако бевме повеќе концентрирани во првите редови, и ако судијата свиреше повеќе фер, можевме да извлечеме реми или дури да победиме. Сега Реал е фаворит, бидејќи тие се актуелни шампиони и победници во ЛШ три пати во последните четири сезони. Но, ние имаме шанси во реванш, вели Емери.