Фудбалерите на Работнички не го почнаа најдобро пролетниот дел од сезоната, а веќе утре ги очекува нов голем предизвик. На арената „Филип Втори“, со почеток во 14 часот, ќе ја имаат градската пресметка со Вардар.
Крилниот играч Стојанче Велинов најавува голема борба против „црвено-црните“ и верува дека Работнички може да го изненади шампионот.
- Не го стартувавме најдобро пролетниот дел од првенството. Поразот од Пелистер се уште не боли, но веќе сме фокусирани максимално на дербито со Вардар. Верувам дека можеме да одиграме многу подобро од досегашните изданија и да го изненадиме Вардар. Фаворитската улога на ваквите мечеви не ги гарантира бодовите, изјави Велинов за клупската веб страница.