Менаџерот на Челзи, Антонио Конте му оддаде почит на Лионел Меси по поразот на неговиот тим (3:0) од Барселона во реваншот од 1/8-финалето на Лигата на шампионите.
Аргентинецот постигна два гола и беше најзаслужниот за победата на Каталонците.
- Меси ја направи разликата. Тоа е фудбалер кој секоја сезона постигна околу 60 гола. Станува збор за најдобриот играч на светот. Немавме шанса со нив. Немавме ниту среќа во одредени ситуации кога создадовме можност да погодиме. Четири пати ја погодувавме рамката на голот. Како и да е Барселона заслужено оди понатаму, истакна Конте.
Тој не им најде замерка на неговите избраници.
- Се трудевме максимално и сметам дека не заслуживме таков пораз. Ми се чини дека имаше и чист пенал за нас, барем така се виде од моето место. Но мора да продолжиме напред, не очекуваат нови натпревари во Премиер лигата, потенцира италијанскиот стручњак.