Менаџерот на Арсенал, Арсен Венгер беше задоволен од победата со 3:1 остварена над Милан во реваншот од осминафиналето во Лига Европа. Тој ги пофали своите играчи кои се вратија по водството на противникот со 1:0.
За тоа помогна и спорниот пенал досуден врз Дани Велбек во 37. минута, со кој резултатот беше изедначен. Венгер изјави дека не ја видел добро ситуацијата и не знае дали неговиот фудбалер симулирал.
- Задоволен сум од реакцијата на тимот п примениот гол. Не сакам да го обвинувам Велбек за симулација пред да видам повторно што се случи. Игравме далеку подобро по слабите ни резултати во последно време. Тоа беше тежок натпревар, но конечно победивме. Делувавме добро во одбраната, но генерално нашиот тим сака повеќе да напаѓа и тогаш е тешко за нас кога треба да се заштитиме, рече Венгер.
Тој во четвртфиналето посака да го избегне Атлетико Мадрид.