За фудбалерот на Атлетико Мадрид, Фелипе Луис, сезоната е завршена поради повреда на ногата заработена на натпреварот против Локомотив во Москва во Лигата на Европа.
Бразилецот има фрактура на фибулата и најверојатно ќе го пропушти Мундијалот во Русија.
Атлетико преку официјалната клупска веб страна потврди дека Фелипе Луис претрпел фрактура и дека дополнителните лекарски прегледи ќе одредат колку долго ќе паузира, но јасно е дека подолго време ќе биде надвор од теренот.
Искусниот 32-годишен фудбалер го игра вториот мандат во Атлетико по враќањето од Челзи, а претходно го носеше дресот на Депортиво, Реал Мадрид Б, Ајакс и Фигеренс.