Фудбалерите на Лацио во Австрија допатуваат со предност од 4:2, но тоа се покажа како недоволно и беа елиминирани од Салцбург во реванш натпреварот од четвртфиналната фаза во Лига Европа.
- По водството едноставно запревме и за жал сега чувствувам горчина. Разликата меѓу нас и Салцбург е во тоа што од пет шутеви кон голот, тие постигнаа четири, а ние само еден. Ја научивме лекцијата. Салцбург заслужи понатамошен пласман, а разликата ја направија нашите грешки, истакна по натпреварот тренерот на Лацио, Симоне Инзаги.
Салцбург во последните 35 минути даде четири гола против Лацио, кој имаше водство од 1:0, но на крајот загуби убедливо. Победата од 4:1 беше доволна Салцбург да ја надомести негативата од првиот меч во Рим, кога калчолигашот победи со 4:2.