Тренерот на Атлетико (Мадрид), Диего Симеоне беше задоволен од својот тим по победата од 6:1 над Гранада.
На аргентинскиот стручњак му се допадна и претставувањето на новото засилување Луис Суарез, кој погоди двапати. Сепак, Симеоне признава дека не бил импресиониран од двата гола.
– Не бев импресиониран од неговите два гола. Но, неговите асистенции, неговите пробиви и неговите движења на теренот ме импресионираа. Неговото доаѓање предизвика многу добро внатрешно натпреварување. Ако 23-те играчи ја прифатат минутажата што ја добиваат, сигурен сум дека ќе се справиме многу добро. Од моја перспектива, кога ќе го изберам тимот, барам играчи кои знаат да се претстават добро и кои ја прифаќаат ситуацијата и кога играат и кога не играат, изјави Симеоне.