Напаѓачот на Португалија, Кристијано Роналдо ги сподели своите очекувања за Европското првенство.
– Ние ги почитуваме сите ривали. Нема да има лесни натпревари. Се чувствувам како да сум прв пат на Евро. Сега сум мотивиран како што бев во 2004 година кога за прв пат стигнав до Европското првенство. Можеби уште посилно. Ние сме актуелни шампиони и уште еднаш сме меѓу претендентите за трофејот. Нема смисла да се ветува триумф, да се прават предвидувања. Можам само да ветам дека ќе играме за да победиме на секој натпревар, рече Роналдо во интервју за списанието „360“.
Португалците се во иста група со Германија, Франција и Унгарија.