Тренерот на Манчестер сити, Хосеп Гвардиола ги искажа своите впечатоци по синоќешното реми со Кристал Палас (0-0) во натпреварот од 29. коло на шампионатот на Англија.
– Покажуваме навистина добра игра. Не погрешивме во 90 минути и начинот на кој игравме беше навистина добар. Но, некогаш се нема среќа во фудбалот. Требаше да дадеме гол, но не го сторивме тоа. Моите играчи одиграа добро, па не ги сменив. Многу сум задоволен од играта и начинот на кој игравме, изјави Гвардиола за Би-би-си.
Манчестер сити е лидер во Премиер лигата со 70 бодови. Ливерпул е на второто место со 66 бодови и натпревар помалку.