Реал Мадрид е заинтересиран да го ангажира играчот од средниот ред на Борусија Дортмунд, Џуд Белингем во летото 2023 година. Деветнаесетгодишниот играч за врска е главната цел на мадридскиот клуб за следниот летен преоден рок.
„Кралевите“ остварија контакти со играчот на почетокот на 2022 година. Реал Мадрид го следи Белингем од неговата преселба во Дортмунд во летото 2019 година.
Реал Мадрид го замоли Џуд да не го продолжува договорот со Борусија кој е со важност до летото 2025 година и увери дека порано или подоцна ќе даде понуда за негов трансфер. Белингам вети дека нема да го продолжи договорот со Борусија и го одржа зборот.
Покрај тоа, тој одбива да ги разгледува понудите од клубовите во Премиер лигата – особено од Ливерпул.
Реал Мадрид моментално има шест играчи од средниот ред, но на тројца од нив ќе им истечат договорите ова лето. А доколку Лука Модриќ и Тони Крос решат сами да потпишат нови договори, тогаш иднината на Дани Себалос е доведена во прашање. Играта на Шпанецот му одговара на стручниот штаб на Реал Мадрид, но тој е далеку од место во стартниот состав на тимот.
Реал Мадрид е во добри односи со Борусија Дортмунд, па мадридскиот клуб ќе биде свесен за сите настани што се случуваат околу Белингем. Оваа сезона Англичанецот постигна три гола на 10 натпревари за Дортмунд во сите натпреварувања.