|
 |
Спорт / Фудбал
Хрватска делегација во Крушево
 Хрватска делегација предводена од генералниот секретар на ХНС, Зоран Сребриќ, а во која беа и хрватските репрезентативци Јерко Леко и Даниел Прањиќ, пејачот Тони Цетински како и фудбалската легенда на Динамо З, Славен Замбата вчера го посети вечниот дом на најголемата балканска музичка ѕвезда, Тоше Проески.
Делегацијата положи цвеќе на гробот од вечниот дом на нашиот Тоше, искажувајќи почит за "ангелот" кој ги обединуваше овие наши балкански простори. Веднаш потоа сите се упатија во домот на родителите на Тоше каде на малиот Стефан, внукот на Тоше, му подарија и дрес од хрватската репрезентација.
Фудбалерите и на Македонија, но и на Хрватска, денеска на натпреварот ќе истрчаат во маички со ликот на Тоше Проески. А, и официјално ќе биде промовирана новата македонска навивачка химна "Македонија навива за вас" кое е последното музичко дело снимено од Тоше.
В.Б.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|