|
 |
Спорт / Фудбал
ПОРТУГАЛСКИОТ ПРВОЛИГАШ НАЈДЕ НОВ ТРЕНЕР
Ериксон по третпат во Бенфика
 Свен Горан Ериксон по седум години ќе го заврши својот престој во Англија и од есен по третпат ќе ја преземе Бенфика. Во текот на вчерашниот ден тој се договорил со претседателот на португалскиот прволигаш, Луис Фелипе Виеира, и капитенот Руи Коста, па останува по завршувањето на Премиер-лигата официјално да биде промовиран во нов тренер на Бенфика.
Претходно раководството на овој клуб се обиде да го ангажира помошникот на Алекс Фергусон, Карлос Квеироз, но преговорите многу брзо пропаднаа. Поради тоа, Виеира се сврте кон Ериксон, кој во секој од претходните два мандати ја освојуваше шампионската титула во Португалија, а во 1990 година играше и во финалето од тогашниот Куп на европски шампиони. Помошник на Ериксон, најверојатно, ќе му биде Карлос Мозер, бразилски дефанзивец кој порано играше под негово водство во Бенфика.
Платата на Швеѓанецот ќе изнесува околу 2,2 милиони евра годишно, што е добра цифра за португалски услови иако во Манчестер Сити тој заработуваше по четири милиони. Ериксон е еден од најуспешните тренери во историјата на европскиот фудбал бидејќи има титули со сите екипи кои ги предводел освен со Манчестер Сити. Како негов наследник с$ почесто се спомнува името на Луис Фелипе Сколари, но Бразилецот с$ уште официјално не се изјаснил.
|
|
|
|
|
![]() |
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|