|
 |
Спорт / Фудбал
Бензема најдобар во Франција
 Напаѓачот на актуелниот француски првак Лион, Карим Бензема е избран од своите колеги за најдобар фудбалер во Првата лига на Франција за оваа сезона. Бензема во моментов е најдобар стрелец во првенството со 19 постигнати гола, а ако се сметаат сите натпреварувања во кои учествуваше со неговиот тим, оваа бројка стигнува до 30 погодоци. На тој начин еден од најперспективните фудбалери во Франција се избори и за место во репрезентацијата и, најверојатно, ќе настапи на следното Европско првенство.
"Не би можел ова да го постигнам без помошта на целиот тим и довербата која ми ја укажаа претседателот на клубот и тренерот Ален Перин. Ова беше одлична сезона за мене", изјави 20-годишниот фудбалер.
Минатата сезона ова признание отиде во рацете на Флорен Малуда, тогаше играч исто така на Лион, кој сега настапува за Челзи. Бензема, и покрај интересот од неколку европски гиганти, меѓу кои и Манчестер Јунајтед и Барселона, вети дека ќе остане на Жерлан барем уште една сезона.
"Неодамна потпишав нов договор со Лион. Среќен сум тука и сакам да останам уште малку", додаде Бензема, кој има обврски кон својот тим до 2013 година.
Соиграчот на Бензема од Лион, Хатем Бен Арфа е прогласен за најдобар млад фудбалер во Франција, додека за тренер на годината е избран шефот на стручниот штаб на Бордо, Лорен Блан. На едно коло пред крајот на француското првенство Бордо има два бода помалку од Лион, кој се обидува да ја освои својата седма едноподруго шампионска титула.
|
|
|
|
|
![]() |
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|