Интер се впушти во трката за ангажман на камерунскиот интернационалец Самуел Ето, кој деновиве беше поврзуван со премин од Барселона во лондонски Тотенхем. Како што се наведува, "неро-азурите" се подготвени да одвојат 32 милиони евра за напаѓачот, со што би дошол како замена за Аргентинците Круз и Креспо и кои си заминуваат летово, а би оформил голгетерски тандем со Златан Ибрахимовиќ.

Досега Ето беше цел на Тотенхем, односно на тренерот Хуанде Рамос, кој го постави Ето како втор приоритет во летниот преоден рок, по купувањето на Хрватот Лука Модриќ.

Барселона го бараше бугарскиот голгетер Димитар Бербатов како евентуален дел од трансфер пакетот на Ето, но се чини дека со ова гигантска понуда од Интер драстично се намалија шансите Камерунецот да се сели на Вајт Харт Лејн.