|
 |
Спорт / Фудбал
Малдини: Би можел да играм уште една сезона
 Како што во моментов стојат работите, 39-годишната легенда на Милан, италијанскиот и светскиот фудбал, Паоло Малдини би можел да одигра уште една сезона во дресот на "црвено-црните". Тој по завршувањето на ланското СП најави дека ова сезона е негова последна во кариерата, но бидејќи одамна немал проблем со повреди, смета дека во него има капацитет за уште едно калчо првенство.
"Се движам во правец на донесување одлука со која ќе продолжам да играм, а следната недела околу тоа ќе разговарам со луѓето во клубот. Размислувам да продолжам да настапувам, особено што здравствената состојба ми е многу подобра, а и од клубот побараа од мене да одиграм уште една сезона. Се надевам дека ќе играм и во Лигата на шампионите, но тоа веќе не зависи од нас, иако факт е дека овој неуспех ќе претставува големо разочаување. Ќе мораме да се надеваме дека Торино ќе одигра како што треба за да не загуби од Фиорентина", вели Малдини.
За Милан да се пласира во Лигата на шампионите потребно е да го совлада Удинезе на домашен терен, а притоа Фиорентина да загуби во Торино. Своето пензионирање Малдини го најави уште на крајот од минатата сезона и тогаш рече дека ништо нема да ја смени неговата одлука, без разлика дали "росонерите" ќе освојат некој трофеј.
|
|
|
|
|
![]() |
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|