IDIVIDI

недела, 18.05.2008

IDIVIDI Мени

Спорт / Фудбал

Стрелците на Катанец во зимски сон
Мазнов, Наумоски, Ристиќ и Стојков без ниту еден гол во оваа 2008 година влегуваат во дуелот со Полска. Само Пандев со позитивен голгетерски биланс

Многу "нули" зад голгетерите на Среќко Катанец. Фудбалерите од нападот кои се на неговиот список како се уште да се наоѓаат во зимски сон. За Горан Мазнов, Илчо Наумоски, Ацо Стојков и Стевица Ристиќ ова е лоша пролет во која не дадоа ама баш ниту еден гол на првенствените средби за своите клубови. Единствен кој заслужува преодна оценка е Горан Пандев, кој го сруши својот личен рекорд на голови за една сезона во Серија А, но добар беше и капитенот Гоце Седлоски, кој иако игра во дефанзивата оваа пролет даде 3 голови за својот Матерсбург.

Сепак, клуб е едно а репрезентација е друго. Квартетот Мазнов, Наумоски, Ристиќ, Стојков ќе имаат шанса да се подобрат на 26 мај во Ројтлинген каде нашиот национален тим го игра тестот со Полска. Мазнов можеби не даде гол за Томск, но затоа, пак, ни донесе реми во Зеница при оној лош меч со Б и Х на кој тој беше стрелец на двата гола за 2:2.

В последно време од репрезентативците во гол серија се најде Влатко Гроздановски. Тој се препороди по заминувањето во Војводина па така сега редовно се запишува и во листата на стрелците.

Претстојниот дуел со Полска е одлична шанса Катанец да види до каде е формата на неговите главни адути од нападот. Можеби ќе беше многу попаметно доколку селекторот за време на пролетната сезона обрнеше многу повеќе внимание на фудбалерите. Сите селектори одат во посети на клубовите за кои играат фудбалерите, контактираат со играчите, нивните тренери... но ете Катанец не практикува таков начин на работа па неговиот ефект од сработеното ќе се види веќе во септември по пресудните квалификациски средби со Шкотска и Холандија на "Градски". А до тогаш се очекува главните "бомбардери" да проработат, но според најавите многумина од нив летово ќе ги сменат клупските средини, ќе налетаат на нов предизвик. Пандев, Мазнов, Наумоски, Ристиќ, Стојков. Тоа е петорката која заслужено ја добива шансата од Катанец затоа што станува збор за добрио играчи, добри голгетери. Имаа солиден ефект на минатите квалификации, но од нив сега се очекува делку повеќе, далеку подобро и што е можно повеќе голови.