|
 |
Спорт / Фудбал
Рибери и Французите разочарани
 Еден од најдобрите фудбалери на француската фудбалска репрезентација, Франк Рибери беше разочаран со бледата игра на неговата репрезентација во премиерниот натпревар од "групата на смртта". Иако тој беше еден од најдобрите "триколори" на овој меч, тој како и неговите соиграчи, како да се одби од цврстиот романски дефанзивен ѕид.
"Разочаран сум од резултатот како и сите мои соиграчи. Очигледно дека не тргнавме во натпреварувањево на оној начин на кој замисливме. Игравме против една цврста и организирана селекција на Романија, која беше задоволна со почетниот резултат. Мислам дека требаше повеќе да се обидуваме преку крилните позиции и со поврзана игра со повеќе додавања. Мораме да промениме доста работи. Сега мораме да го проанализираме натпреварот и да поправиме се она што не чини бидејќи во нашиот втор меч ќе имаме уште поголеми проблеми", изјави Рибери.
Вториот меч на актуелниот светски вицешампион Франција, веројатно, ќе донесе уште повеќе проблеми за селекторот Рејмон Доменек бидејќи опонент е составот на Холандија, која во првиот меч ја демолираше селекцијата на актуелниот светски првак Италија.
|
|
|
|
|
![]() |
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|