IDIVIDI

понеделник, 16.06.2008

IDIVIDI Мени

Спорт / Фудбал

Русија со минимална победа го елиминираше европскиот шампион, Грција

Русија како и пред четири години ја победи Грција со 1:0 и така го елиминираше европскиот шампион од ЕВРО 2008.

Единствениот гол го постигна Зирјанов во 32-та минута, а голема помош Русија имаше и во голамнот Никополидис кој непотребно го напушти голот. За тоа кој заедно со Шпанија ќе се пласира во 1/4-финалето од групата Д ќе одлучуваат за четири дена селекциите на Русија и Шведска во меѓусебен дуел.

Сепак, во вториот меч на шампионатот актуелниот европски шампион Грција тргна доста поагресивно во споредба со натпреварот против Шведска, но не успеаа да ги сикористи неколкуте изгледни шанси за постигнување гол.

Моментот на одлука на натпреварот се случи во 32-та минута. Длабоко нафрлената топка од торбински од левата страна заврши заврши на ивицата на петерецот на десната страна каде се наоѓаше Семак. Потоа Никополидис непотребно тргна по неа, а Семак со удар со нога над глава ја врати топката во петерецот каде се најде Зирјанов и рутински ја ниспрати топката во небранетата мрежа.

По денешниот пораз за Грција првенството ќе заврши по одигрување на последниот натпревар од групата против Шпанија, со што по четири години нашиот јужен сосед ќе мора да се спушти од шампионските висини во реалност.