|
 |
Спорт / Фудбал
КОРМИЛАРОТ НА ИНТЕР ИМА ТРИ ЖЕЛБИ
Мурињо ги сака Деко, Лампард и Дрогба во “сино-црниот” дрес
 Новиот шеф на стручниот штаб на Интер, Португалецот Жозе Мурињо истакна дека има голема желба во своите редови во Милано да види тројца поранешни негови фудбалери. Станува збор за Бразилецот Деко, со кого во Порто станаа европски шампиони, а кој во моментов се уште е член ан Барселона и има понуда од Челзи каде би работел со својот репрезентативен стратег Сколари. И останатите две имиња се поврзани со клубот од Стемфорд Бриџ, бидејќи станува збор за репрезентативецот на Брегот на Слоновата коска, Дидие Дрогба и Англичанецот Френк Лампард, фудбалери со кои развил најдобар однос за време на неговото тренирање на лондонските сини.
“Не сум носталгична личност, но многу ги сакам тројцата фудбалери кои ми помогнаа да ги остварам моите најголеми успеси во кариерата. Тоа не можам да им го заборавам и би сакал повторно да соработувам со нив, вели Мурињо и додава дека смета дека е способен да му помогне на Адријано да се врати во поранешната форма.
“Адријано е одличен фудбалер. Млад е и има доволно време да го надокнади загубеното време. Се надевам дека извлекол поуки од минатото и дека има доволно волја за тешка и напорна работа, додава Португалецот.
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|