|
 |
Спорт / Фудбал
ЛИВЕРПУЛ ПЛАНИРА 50 МИЛИОНИ ФУНТИ ЗА ЗАСИЛУВАЊА
Виља, Силва и Бери се желбите на Бенитез
 Менаџерот на Ливерпул, Рафаел Бенитез, сака претстојното лето да потроши 50 милиони фунти на нови засилувања. Тој планира да ги доведе двајцата извонредни фудбалери од Валенсија и незаменлив дел од шпанската репрезентација на ЕП, Давид Виља и Давид Силва. За нив би одвоил околу 35 милиони фунти со што ќе ги обедини со нивниот колега од нападот во редовите на “Црвената фурија”, Фернандо Торес.
На списокот со посакувани играчи на Бенитез се наоѓа и фудбалерот од средината на теренот на Астон Вила и на англиската репрезентација, Герет Бери, чија цена се движи околу 15 милиони фунти.
Единствен проблем околу сето тоа би можело да настане доколку сопствениците Џилет и Хикс не ги одобрат овие средства, а за да обезбеди финансии Бенитез би требало да смета на продажбата на Чаби Алонсо во Јувентус за 15 милиони фунти, како и од трансферот на Питер Крауч во некој од премиерлигашките клубови, при што засега “најзапалени” за високиот центарфор се Манчестер Сити и Портсмаут.
Ливерпул летово веќе го продаде Норвежанецот Јон Арне Рисе во Рома за четири милиони евра, а во своите редови ги доведе швајцарскиот бек Филип Деген од Борусија Дортмунд, како и италијанскиот бек Андреа Досена, кој за седум милиони фунти беше купен од Удинезе.
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|