|
 |
Спорт / Фудбал
“ДОВЧЕРАШНИОТ” ШПАНСКИ СЕЛЕКТОР СЕПАК НЕ Е БЕЗ РАБОТА
Арагонес, конечно, призна за Фенербахче
 Во својата колумна во дневниот весник Марка, “довчерашниот” шпански селектор Луис Арагонес конечно потврди дека следните две години ќе работи во Фенербахче. Оваа информација турскиот вицешампион ја проследи во јавноста уште минатата недела, но Арагонес тогаш демантираше тврдејќи дека се уште не одлучил што ќе прави по завршувањето на европското првенство.
“Овие дена ќе отпатува во Истанбул за да ги договорам останатите детали. Но, начелниот договор е постигнат, за три милиони евра по сезона, следните две години ќе ги поминам како тренер на Фенербахче”, стои во текстот на Арагонес.
Иако има 70 години и со тренерската работа се занимава од 1974 година, ова ќе биде прв пат тој да работи како тренер надвор од Шпанија. Досега ги водеше Атлетико Мадрид, Бетис, Барселона, Еспањол, Севиља, Валенсија, Овиедо, Мајорка и шпанската репрезентација откаде замина пред три дена, а претходно и донесе титула од европското првенство. Фенербахче е без тренер по заминувањето на бразилскиот стручњак Зико кој ја одведе екипата до четвртфиналето од Лигата на шампионите минатата сезона што е најголем успех на турскиот фудбал во ова натпреварување.
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|