|
 |
Спорт / Фудбал
РАМОН КАЛДЕРОН МОЖЕБИ СТАВИ КРАЈ НА САГАТА ЗА ПОРТУГАЛЕЦОТ
Роналдо најверојатно ќе остане во Манчестер
 Кристијано Роналдо најверојатно и следната сезона ќе остане во Манчестер Јунајтед, поразително вчера соопшти првиот човек на Реал Мадрид, Рамон Калдерон. Претседателот на шпанскиот првак пред неколку недели го најави 7 јули како симболичен датум кога Роналдо ќе биде промовиран како нов член на клубот, но вчера, токму на овој ден мораше да објави дека трансферот е се поневеројатен.
“Роналдо самиот изјави дека му е сон да заигра за Реал Мадрид, но неговиот трансфер не може да биде реализиран без согласност од Манчестер Јунајтед. Кога од овој клуб ќе бидат подготвени за реазговор, тогаш би можеле да зборуваме за такво нешто, но како што стојат работите во моментов, до трансферот нема да дојде. Теоретски се уште има време бидејќи до крајот на преодниот рок остануваат уште два месеци, меѓутоа не гледам желба кај Јунајтед работите да се сменат”, рече Калдерон.
Вчера во седиштето на УЕФА во Нион се одржа состанок на водечките европски фудбалски клубови на чии маргини меѓусебна средба имаа Калдерон и извршниот директор на Јунајтед, Дејвид Гил. Тие двајцата зборувале за сагата околу Роналдо која трае повеќе од два месеци, но Гил побарал од Калдерон да се држи настрана од Португалецот бидејќи тој имаше важечки четиригодишен договор со англискиот и европски првак.
Опериран зглобот на Кристијано
На ѕвездата на Манчестер Јунајтед, Кристијано Роналдо вчера утро во Холандија му беше извршена најавената операција на скочниот зглоб. Холандската новинска агенција АНП соопшти дека Роналдо ќе остане на рехабилитација во оваа земја, но Марка и А Бола веднаш демантираа тврдејќи дека ќе се врати во Португалија, па во Англија.
Инаку, хируршката интервенција на зглобот на Роналдо ја изврши познатиот доктор Ник ван Дајк кој ги излекува и Руд ван Нистелрој, Робин ван Перси и Михаел Балак, а се се одвивало во најдобар можен ред.
Според првите информации, Роналдо ќе паузира во наредните шест до осум недели, што во превод значи дека би го пропуштил стартот на англиската премиерлига, се разбира доколку се остварат последните тврдења дека тој останува дел од актуелниот англиски и европски шампион.
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|