|
 |
Спорт / Фудбал
МАКЕДОНСКИОТ ИНТЕРНАЦИОНАЛЕЦ ЈА ЗАВРШИ СОРАБОТКАТА СО ХОЛАНДСКИОТ ВЕНДАМ
Отказ за пијаниот Крстев!
 Македонскиот интернационалец во холандскиот второлигаш Вендам, Миле Крстев доби отказ од својот клуб поради сообраќаен прекршок, но и неискреност.
Откако сообраќајната полиција на Холандија минатиот вторник го фатила нашиот фудбалер како вози во пијана состојба со 2.2 промили алкохол во крвта, за што веднаш објавиле и холандските медиуми, од раководството на Вендам по неколку денови размислување се одлучија да му врачат отказ на 29-годишниот Крстев.
Како што се вели и во официјалното соопштение објавено вчера на интернет страната на БВ Вендам, клубот се одлучи на отказот пред сe поради неискреноста на фудбалерот кој на самиот ден на апсење побарал дозвола да отсуствува од тренингот поради болест.
“Поради еден таков однос од страна на Крстев нема смисла да ја продолжиме соработката”, се вели во соопштението на Вендам.
Во својата досегашна кариера Крстев има настапувано во Победа, но и во холандските прволигаши Херенвен и Гронинген.
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|