|
 |
Спорт / Фудбал
Лампард на пат да стане најплатен британски фудбалер
 Френк Лампард најверојатно ќе ја заврши својата играчка кариера како фудбалер на Челзи откако неофицијално клубот најавил дека ќе му понуди нов договор за неделна плата од 150 илјади фунти. Со оглед на тоа што се очекува соработката да биде продолжена на пет сезони, Лампард на тој начин би станал најскапиот британски фудбалер бидејќи до истекот на договорот ќе му бидат гарантирани 39 милиони фунти.
"Клубот очајно посакува да го задржи Френк, разговори се одржуваат буквално секој ден и се надеваме дека наскоро тој ќе потпише договор до крајот на кариерата. Знаеме дека и Лампард не е рамнодушен на оваа понуда бидејќи ќе го направи најскап фудбалер, а во исто време ќе му овозможи да остане во Челзи до крајот на кариерата. Лошо е само тоа што за време на преговорите беа кажани многу лоши зборови од двете страни и може поради тоа да пропадне се", изјави за Сан неименуван функционер од Челзи.
Сепак, и покрај великодушната понуда од лондонскиот клуб, останува можноста Лампард ова лето да се пресели во Интер и да работи со својот поранешен ментор Жозе Мурињо. Англичанецот е прва цел на италијанскиот првак и досега испрати неколку понуди за негово ангажирање. Жозе Мурињо пред два дена изјави дека сепак е подготвен да почека една сезона за повторно да се спои со еден од своите омилени фудбалери со оглед дека во моментов Лампард има уште една сезона од договорот со "сините" и дека идното лето би бил слободен играч.
|
|
|
|
|
|
 |
Пребарување
|
|
|
|
|
|
|
WEBmail |
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|