|
 |
Спорт / Фудбал
Барса нуди 22 милиони евра за Трезеге
 Според информациите од Италија, Барселона пред својот закажан пријателски натпревар со екипата на Фиорентина, ќе ја искористи посетата на Апенините за да ја презентира понудата од 22 милиони евра за францускиот репрезентативец Давид Трезеге.
Барса веќе подолго време трага по врвен светски напаѓач, а Трезеге е на мета во текот на целиот преоден рок, иако новиот тренер Пеп Гвардиола имаше неуспешни обиди за преговори пред неколку недели.
Се претпоставува дека каталонскиот гугант би можел да го искористи и камерунскиот голгетер Самуел Ето во обидите да го доведе Трезеге на Ноу Камп, што би можело да влијае на првите луѓе на Јувентус, кои досега најавија дека францускиот ас не е за продажба. Интересно е тоа што Трезеге, кој во октомври ќе наполни 31 година не се наоѓа во врвна форма во подготвителниот период и досега беше засенет од новото засилување Амаури и Винченцо Јакинта, кои заедно постигнаа пет погодоци во последните две пријателски средби против Брондби и Борусија од Дортмунд.
Доколку Трезеге потпише за Барса, тој повторно ќе игра заедно со колегата од францускиот национален тим, Тјери Анри, со кој своевремено го креираа напаѓачкиот тандем во тимот на Монако.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|