|
 |
Спорт / Фудбал
Сисе во Рома за седум милиони евра
 Екипата на Рома е се поблиску до обезбедување на центарфор од светска класа бидејќи се смета дека понудата од седум милиони евра за францускиот репрезентативец Жибрил Сисе ќе биде прифатена од страна на неговиот Олимпик од Марсеј.
"Волчицата" ова лето очајнички бара квалитетен напаѓач, а на четири седмици пред истекот на овој преоден рок, се чини дека нивната потрага конечно е завршена со една од најдобрите солуции.
Италијанските медиуми пренесуваат дека Рома ќе потпише со 26-годишниот Сисе во текот на наредните неколку денови, што особено ќе го израдува тренерот на Римјаните, Лучијано Спалети, кој го бараше Французинот поради неговата експлозивност. Сисе лани постигна 15 погодоци за Марсеј, но по недоразбирањата со клупскиот претседател Папе Диуф, тој одамна има намера да го напушти клубот во кој дојде од Ливерпул, откако на сцената се проби во дресот на францускиот прволигаш Оксер.
Сисе, кој на почетокот на новиот милениум беше потенциран како еден од најголемите таленти во светскот фудбал, имаше големи пехови во својата кариера, бидејќи во 2004 година, непосредно по потпишувањето на договорот со Ливерпул, ја скрши ногата и имаше долга пауза. Вториот малер го имаше пред стартот на Светското првенство во 2006 година, кога неговиот настап за фрнцуската репрезентација беше осуетен по нова скршеница на ногата. Негов најголем успех во кариерата му е титулата од Лигата на шампионите со екипата на Ливерпул во 2005 година.
Инаку, Рома сезонава како приоритет го постави ангажирањето на романската ѕвезда Адријан Муту од екипата на Фиорентина, но откако преговорите не успеаја, ориентацијата се врти кон Сисе, по чиј веројатен ангажман, клубот ќе има доволно средства да ангажира уште еден врвен фудбалер.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|