|
 |
Спорт / Фудбал
"Жежок" меч за Ставрев
 Македонскиот фудбалски судија Александар Ставрев беше дел од најголемото изненадување во второто квалификациско коло од Лигата на шампионите. Нашиот млад судија беше главен арбитар на мечот меѓу Андерлехт и Бате Борисов каде гостите направија големо изненадување славејќи во Брисел со 2:1. На овој натпревар Ставрев имаше многу работа доделувајќи дури седум жолти картони и два црвени, по еден во двата табора.
Нашиот интернационален судија директно влијаеше на промената на резултатот. По водството на Андерлехт во 67 минута, две минути подоцна Ставрев оправдано досуди најстрога казна за гостите, кои ја претворија во гол. На две минути до крајот на мечот Бате Борисов постигна и втор гол решавајќи го мечот во своја корист и воедно обезбедувајќи голема предност за реваншот кој ќе го одиграат пред своите гледачи.
Асистенти на Александар Ставрев на овој меч беа Љубомир Крстевски и Душко Милошевски, додека четврти судија беше Горан Спиркоски.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|