|
 |
Спорт / Фудбал
Адебајор останува во Арсенал
 По заминувањето на неколку од клучните фудбалери во летниот преоден рок, навивачите на Арсенал конечно слушнаа добра вест. Непосредно пред почетокот на Купот Емирати, соработката со клубот ја продолжи Емануел Адебајор, па Венгер нема повеќе да размислува за нападот во претстојната сезона.
Минатиот месец Арсенал објави соопштение во кое порача дека нема да ги толерираат барањата на Адебајор за зголемување на платата на нивото на кое беше Тиери Анри (повеќе од 120 илјади фунти неделно). Сепак, челниците на клубот мораа да попуштат по заминувањето на Фламини, Хлеб и Жилберто Силва, па најдоа компромис со тоа што на Адебајор му понудија неделна плата од 65 илјади фунти што е зголемување од над 60% во однос на она што досега го добиваше репрезентативецот на Того.
"Сега е време за двојна круна, во Лигата на шампионите и англиското првенство. Тоа и ќе ни биде главна цел во новата сезона. Отсекогаш зборував дека го сакам овој клуб и денеска можете да видите голема насмевка на моето лице. Сега на сите им е јасно дека го сакам Арсенал и останува овде уште четири години", рече Адебајор кој со ова демантираше дека неговиот однос со менаџерот Венгер е нарушен.
Договорот меѓу Арсенал и Адебајор всушност е продолжен на уште една година бидејќи напаѓачот имаше уште три сезони од истекот на претходниот. Единствената разлика сега е во тоа што од идниот месец ќе добива поголема плата.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|