|
 |
Спорт / Фудбал
Раниери е старец без трофеи
 Новиот тренер на Интер, Жозе Мурињо, не чекаше многу за да потсети на своите денови поминати во Англија. Два месеци откако беше промовиран во шеф на стручниот штаб на италијанскиот првак, Мурињо влезе во вербална пресметка со својот колега од Јувентус, Клаудио Раниери иако, за волја на вистината, не беше тој што прв го почна препукувањето. Причина беше изјавата на Раниери по поразот од Хамбургер со 3:0 во неделата по што во негативна конотација го спомна Мурињо.
"Нема да правам драма од овој тежок пораз, јас не сум како Мурињо. Мојата филозофија е различна од неговата. Тој има непрекината желба да освојува трофеи за да се чувствува сигурен во тоа што го работи. За мене е нормално да добијам една шлаканица, лани претрпевме многу удари, но се исправивме и реагиравме на вистински начин", изјави Раниери за италијанските медиуми. Освен тоа, искусниот стручњак објави дека Роман Абрамович не го пуштил Лампард во Интер поради Мурињо и дека ако тој го побарал, фудбалерот на Челзи сигурно ќе добиел дозвола за трансфер.
На Мурињо не му требаше долго време за да одговори на провокацијата од својот постар колега. Само еден ден подоцна Португалецот излезе во јавноста со тешки зборови кон Раниери со што само ја потврди својата репутација што го следи уште од деновите во Порто.
"Дојдов во Италија за да работам и да ги остварам своите цели, а не да водам вербални војни со кого било. Сакам да освојувам со Интер бидејќи тоа е најдобро за мене и за клубот. Раниери? Вистина е тоа што тој го зборува. Јас никогаш не сум задоволен од себе и постојано сакам да победувам за да се чувствувам силен и сигурен. Поради тоа во кариерата сум освои голем број титули. Раниери има поинаков менталитет, изгледа нема потреба од победи и затоа досега нема големи успеси. Претерано е стар, демодиран, има 60 години, а досега стигнал само до еден Супер-куп и еден Куп на Италија. Тешко дека сега може да си ги промени сфаќањата", инспирирано одговори Мурињо.
Токму Португалецот во 2004 година седна на клупата на Челзи на местото на Клаудио Раниери и го оствари она што никој во претходните 50 години не успеа. Освои по две титули во сите англиски натпреварувања, но влезе во конфликт со Абрамович и минатиот септември мораше да си замине од Стемфорд Бриџ.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|