|
 |
Спорт / Фудбал
Руни "закачил" вирус во Нигерија
 Напаѓачот на Манчестер Јунајтед, Вејн Руни, најверојатно, ќе го пропушти стартот од новата сезона во Премиер-лигата. Како што вчера изјави Алекс Фергусон, репрезентативецот се заразил со мистериозен вирус за време на гостувањето во Нигерија пред две недели и оттогаш го нема на тренинзите на својот тим.
"Никој не може да констатира за што точно се работи. Руни го нема на тренинзите и мислам дека нема да биде подготвен за стартот на новата сезона", соопшти Фергусон.
Болеста на Руни се уште е предмет на анализа во клупската лабораторија, а менаџерот додаде дека пред патувањето во Африка сите фудбалери добиле само таблети против маларија. Како што сега стојат работите, Руни сигурно нема да игра на дуелот од Комјунити Шилдс против Портсмаут во недела, а најверојатно ќе го пропушти и натпреварот од првото коло на Премиер-лигата со Њукасл идниот викенд. Руни не играше против Портсмаут во Нигерија, а не беше во конкуренција ниту за следните две пријателски средби против Еспањол и Питербороу.
Болеста на Руни е уште еден тежок удар кога станува збор за амбициите на Алекс Фергусон кои оваа сезона се одбрана на титулата во Премиер-лигата. Најмалку до октомври тој ќе има преполовена конкуренција во нападот и ако до крајот на летниот преоден рок не најде квалитетен напаѓач, Манчестер Јунајтед би можел уште првиот месец да има големо заостанување зад своите конкуренти. Кристијано Роналдо неодамна имаше операција на скочниот зглоб и ќе отсуствува најмалку до октомври, Андерсон е со бразилската репрезентација на Олимписките игри, а Нани е суспендиран за првото коло од Премиер-лигата. Во моментов во конкуренција за навалната линија се само Карлос Тевез, младиот Фрејзер Кембел и Луис Саха, но Французинот би можел наскоро да ја смени средината. Од друга страна, Фергусон се уште има можност да го донесе Димитар Бербатов, но за него треба да плати најмалку 30 милиони фунти.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|