|
 |
Спорт / Фудбал
Зенит во група со Реал и Јуве
 Актуелниот освојувач на Купот на УЕФА, рускиот првак Зенит од Санкт петерсбург немаше многу среќа при вчерашната ждрепка за грпуите од Лигата на шампионите, бидејќи се падна во квартет со гигантите Реал мадрид и Јувентус.
Групата Х, во која уште се најде и дебитантот, БАТЕ Борисов од Белорусија, треба да биде една од најинтересните со оглед на објективниот играчки капацитет на Зенит, кој ќе се обиде да им ги замрси сметките на фаворизираните поранешни европски шампиони.
На хартија, најкомпетитивна треба да биде групата Д, каде ќе продефилираат три поранешни освојувачи на најпрестижниот европски пехар, преводени од Ливерпул. Англискиот гигант доби два клуба со кои се натпреваруваше во ланската фаза по групи, некогашните шампиони на Стариот континент, ПСВ Ајндховен и Олимпик Марсеј, но се чини дека најголемите грижи на Бенитез ќе му ги зададе четвртиот клуб во ова друштво, односно Атлетико од Мадрид, кој во оваа сезона влегува со големи амбиции и со извонреден состав кој го декласираше Шалке.
Најинтересен аспект од двобоите меѓу Ливерпул и Атлетико ќе биде фактот што напаѓачот на "црвените", феноменалниот шпански шпиц Фернандо Торес ќе има можност по првпат да се соочи со клубот од кој потекнува и од кој дојде на Енфилд.
"Сега веќе нема лесни мечеви. Кој и да ни е противник, сигурно дека нема да биде лесно, па затоа не размислуваме дали оваа ждрепка беше погодна за нас или не. Одиме само напред, бидејќи ние сме воодушевени и со самиот факт што повторно ќе атакуваме на шампионскиот пехар", вели спортскиот директор на Ливерпул, Рик Пери.
Доста квалитетна е и групата Ф, каде се Лион и Баерн Минхен, заедно со силната Фиорентина и незгодната Стеауа, додека европскиот првак Манчестер Јунајтед за опоненти ги доби островскиот ривал Селтик, шпанскиот вицешампион Виљареал и дебитантот во оваа конкуренција, данскиот првак Алборг.
Натпреварите од оваа фаза започнуваат на 16 септември, а завршуваат на 10 декември, по што првопласираните две екипи ќе го чекаат осминафиналето кое се игра следната година.
Група А
ЧЕЛЗИ
РОМА
БОРДО
КЛУЖ
Група Б
ИНТЕР
ВЕРДЕР
ПАНАТИНАИКОС
АНТОРТОЗИС
Група Ц
БАРСЕЛОНА
СПОРТИНГ
БАЗЕЛ
ШАХТЈОР
Група Д
ЛИВЕРПУЛ
ПСВ АЈНДХОВЕН
МАРСЕЈ
АТЛЕТИКО МАДРИД
Група Е
МАНЧЕСТЕР ЈУНАЈТЕД
ВИЉАРЕАЛ
СЕЛТИК
АЛБОРГ
Група Ф
ЛИОН
БАЕРН
СТЕАУА
ФИОРЕНТИНА
Група Г
АРСЕНАЛ
ПОРТО
ФЕНЕРБАХЧЕ
ДИНАМО КИЕВ
Група Х
РЕАЛ МАДРИД
ЈУВЕНТУС
ЗЕНИТ
БАТЕ БОРИСОВ
Прво коло: 16/17.09.2008
Второ коло: 30.09/01.10.2008
Трето коло: 21/22.10.2008
Четврто коло: 04/05.11.2008
Петто коло: 25/26.11.2008
Шесто коло: 09/10.12.2008
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|