|
 |
Спорт / Фудбал
Пандев е надежта на Лацио за Куп УЕФА
 Горан Пандев и во новата сезона ќе биде единствениот фудбалер од Македонија кој ќе настапува во екипа од Италија. Тој и неговиот Лацио не се меѓу фаворитите за највисок пласман иако тимот од "Олимпико" секогаш е при врвот и секогаш меѓу оние клубови кои го привлекуваат вниманието.
"Нашите амбиции за оваа нова сезона е пласман на табелата до 7. позиција или местата зад најдобрите кои водат во Купот на УЕФА", открива Пандев за желбите на клубот во новата сезона, која почнува викендов, а утре Пандев и неговиот клуб му гостуваат на Каљари.
"Битката за титулата ќе се води меѓу Интер, Милано, Јувентус и Рома. Се најавува дека ова ќе биде најдобрата сезона во Италија во последните неколку години. Ќе биде интересно затоа што ќе има огромна конкуренција за највисок пласман, но и голема конкуренција за опстанокот во лигата. Сезоната е долга и за секој клуб најважен е стартот. Ние сме пред незгодно гостување во Каљари", изјавува струмичанецот кој и во новата сезона ќе биде главниот адут на римјаните за пласман на посакуваната позиција.
Летово се крена многу врема околу судбината на Пандев во Лацио. Тој останува на "Олимпико" и ќе биде првата виолина на "небесносините". Клубот има неколку играчки проблеми, а главен шок за сите е повредата на Роки, кој нема да игра до октомври. Се споменуваше ангажман на Креспо...
"Сe уште не е 100% сигурно со кого ќе играм во нападот. Жалам што Роки е повреден затоа што со него ни оди многу добро. Утре можеби со Макинва или Зарате. Ќе одлучи тренерот Делио Роси", беше завршниот коментар на Пандев, кој во подготвителниот период беше најдобриот стрелец на Лацио на тест средбите.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|