Македонската фудбалска репрезентација ги освои првите три бода и тоа портив селекцијата на Шкотска на "Градски" во Скопје, во првиот натпревар од групата 9, во квалификациите за Светското првенство кое ќе се одржи во Јужна Африка во 2010-та година.

Македонките фудбалери го искористија топлото време и уште на стартот го постигнаа единствениот гол на мечот. Во петтата минута Горан Мазнов изнуди прекршок на 20-тина метри од голот на Крег Гордон, капитенот Гоце Седловски биеше по земја покрај живиот ѕид, а одбиената топка од стативата, Илчо Наумоски од 5 метри ја смести во мрежата на противникот.

фото: Reuters

фото: Reuters

Во второто полувреме Шкотска нападна со сите сили а нашата формација се затвори, одбраната одолеа на нападите на шкотските фудбалери и Македонија издвојувува победа, со што и си обезбеди три бода на стартот од новиот квалификациски циклус. Во среда, исто така, на Градскиот стадион во Скопје гостува фаворизираната селекција на Холандија.

Но, не може да се одмине инцидентот кој се случи на западната трибина, каде имаше закачено транспарент со ликот на Јохан Тарчуловски. Делегатот на натпреварот на неколку пати побара истиот да се симне, се закани дури и со суспензија на нашиот најголем стадион, за потоа македонските специјални единици по наредба да го симнат транспарентот. Во инцидентот целиот стадион го извикуваше името на Тарчуловски и се се заврши со еден приведен.

Пред почеток на натпреварот претседателот на ФФМ, Хаџиристевски му врачи пригоден подарок на Величе Шумуликовски по повод неговиот педесетти настап во дресот со националниот грб.

Македонија денешниот натпревар го започна во следниот состав:
Милошевски, Лазаревски, Петров, Седлоски, Митревски, Новевски, Гроздановски, Шумуликоски, Мазнов, Пандев и Наумоски.
Во вториот дел играа уште и Трајанов, Грнчаров и Тасевски.

Во нашата група Македонија е прва, бидејќи фаворитот Холандија беше слободен ова коло, а во вториот денешен натпревар, Норвешка и Исланд ги поделија бодовите играјќи 1:1 во Осло.

Во среда во Скопје играме против Холандија, а во Исланд гостува Шкотска.