|
 |
Спорт / Фудбал
|
|
Тоти ќе не врати на врвот
 Тренерот на Рома, Лучијано Спалети, верува дека враќањето на Франческо Тоти во тимот ќе ги инспирира другите фудбалери да најдат излез од кризата и, конечно, да ја вратат Рома во врвот на табелата од Серија "А". Актуелниот италијански вицешампион забележа очаен старт на новото првенство поради кој се најде на 14. позиција на табелата, но во досегашниот период Рома беше без својот капитен Тоти, кој се повреди уште пред крајот на минатата сезона и се уште не може целосно да заздрави. "Волчицата" се соочува со криза во играта, меѓутоа Спалети е сигурен дека во дербито против Интер во следното коло навивачите ќе видат сосема друго лице на тимот.
"Навивачите мора да останат смирени затоа што наскоро ќе ја видат повторно старата Рома. Ни треба уште малку време, а враќањето на Тоти ќе ни го донесе токму она што ни треба. Освен тоа, досега имавме проблеми со повредени фудбалери, па не можев да сметам на Перота, Тонето, Тадеи и Дони. Кога сите ќе се вратат, Рома не само што ќе има игра туку повторно ќе биде кандидат за титулата. Интер изгледа супериорен во однос на другите тимови, меѓутоа ние сме подготвени да се бориме како и секогаш", смета Спалети.
По шест одиграни кола од италијанското првенство Рома веќе заостанува шест бода во однос на водечкото трио, Лацио, Интер и Удинезе, но проблемот е во тоа што екипата игра катастрофално на гостински терен и на досегашните три меча надвор од Олимпико доживеа исто толку порази со два постигнати и седум примени гола.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|