Франк Рибери, еден од главните носители на играта на минхенски Баерн, изрази желба да замине во Реал Мадрид.

- Сакам да играм за Реал Мадрид и во никој друг клуб. Тоа е мојата одлука, изјави 26-годишниот Французин за спортскиот дневен весник „Л екип“.

Рибери веќе го одбил зголемувањето на платата на осум милиони евра годишно од сегашниот негов клуб.

Реал создава тим на соништата и се засили со Кристијано Роналдо, Рикардо Кака и Карим Бензема. На листата на нови играчи во „кралскиот клуб“ се наоѓа и Рибери, но проблем е дозволата за заминување од бундеслигашот Баерн.

Баварците со јасен одговор до францускиот репрезентативец дека немаат намера да му дозволат да си замине.

- Франк сака да оди во Реал. За нас тоа е само негова желба. Животот не е секогаш бајка, па да се исполнуваат желбите. Од Реал немаме конкретна понуда, а и не ни требаат нивните пари. Рибери останува во Баерн, одговори клупскиот менаџер на германскиот тим Ули Хенес.