|
 |
Спорт / Фудбал
|
|
Милан не се продава
 Пасквале Канатели, еден од водечките луѓе на Фининвест, компанијата во сопственост на Силвио Берлускони јавно ја демантираше можноста за продажба на миланскиот клуб. Италијанските медиуми неодамна известија за интересот на премиерот на ОАЕ, Шеикот Рашид ал Мактум, кој е подготвен за 400 милиони евра да откупи 40% од сопственоста на "росонерите".
"Милан не е на продажба, а нема ни смисла да се продава малцински дел од сопственичкиот пакет. Нема ниту потреба за тоа, по продажбата на Кака добро ги организиравме нашите потреби", изјави Канатели.
Сите овие шпекулации околу можноста за продажба на дел од сопственоста на Милан произлегоа од неможноста сопственикот Силвио Берлускони да потроши пари за квалитетни засилувања во последните сезони. Како последица на тоа "росонерите" веќе пет сезони не биле прваци на Италија, а последниот значаен трофеј беше оној од Лигата на шампионите во 2007 година. Интересно е тоа што и за новата сезона потпретседателот Адриано Галијани посочи дека титулата не е приоритет, туку освојувањето на третото место кое води директно во фазата по групи од Лигата на шампионите.
Берлускони го купи Милан во 1986 година и од него направи гигант во европски рамки. Оттогаш "росонерите" освоија пет од седумте титули во Лигата на шампионите (поранешен КЕШ) и седум од 17. во италијанското првенство.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|